使用條款
服務內容同免費體驗
「DSE 文言漫遊」網站、學習中心及其 Android／iOS 版本提供中文範文遊戲、朗讀、練習、工作紙同學習分析。十二個指定單元會逐步加入，目前有《論語》選篇、《魚我所欲也》、《始得西山宴遊記》、《月下獨酌》、《登樓》、《聲聲慢‧秋情》及《青玉案‧元夕》七個 3D 體驗；其餘內容同開放狀態以目錄為準。
《青玉案‧元夕》、《論語》同《登樓》係三個免費體驗。正式帳戶制開放後，登入即可使用呢三課，唔設試用到期日或重玩次數限制，亦唔會自動轉成收費。免費資格、已開啟課程同同步學習記錄會記喺帳戶；換裝置以同一帳戶登入可再讀取。3D 場景存檔同已儲存工作紙主要留喺本機。學習分析只作溫習回饋。
遊戲包同工作紙會員
- 全遊戲包：網頁 HK$100，一次過付款，解鎖遊戲包所涵蓋嘅付費體驗，唔會自動續費。篇章逐步加入，未開放內容唔代表已可遊玩。
- 工作紙會員：網頁 HK$48／月，自動續訂。訂閱有效期內，可不限次數用已校對題庫組卷、列印同匯出；呢個方案唔等於無限生成 AI 新題。工作紙會員同全遊戲包分開購買。
網頁付款經 Stripe；Android／iOS 內購經相應商店。App 以商店實際顯示嘅當地價格、續訂日期同付款條件為準。方案未啟用時不能購買；付費權限須經伺服器確認。購買會記錄喺當時登入嘅學習帳戶，用同一帳戶登入查閱或還原，請勿重複購買。
續訂、取消同刪除帳戶
工作紙月費會按付款頁或商店顯示自動續訂，直至取消。網頁訂閱可經 Stripe 訂閱管理頁取消；如未能開啟，請聯絡我哋。App 訂閱請用學習中心嘅商店訂閱管理入口，或直接到 Apple App Store／Google Play 嘅訂閱設定取消。取消後嘅有效期以付款平台確認為準。
可喺學習中心「帳戶與會員」刪除帳戶。刪除會取消網頁 Stripe 訂閱，並刪除雲端學習資料；Apple／Google 訂閱要先喺付款商店取消，刪除帳戶唔會代你停止商店續費。刪除後購買唔會自動轉到另一帳戶，如需協助請聯絡我哋。
《青玉案》原有「問夫子」方案
「問夫子」每部裝置免費試用 10 題；之後可以用學校提供嘅班級密碼，或者一次過 HK$16 解鎖本篇「問夫子」無限次使用（合理使用範圍內）。呢個原有方案獨立於 HK$100 遊戲包同 HK$48 工作紙月費，唔會自動轉換成新方案。
退款
如因技術問題未能使用已購買嘅服務，請於付款後 14 日內聯絡我哋安排退款：contactus@octopus-tech.com
App Store／Google Play 購買亦需按相應付款商店嘅退款流程處理；聯絡時請提供交易編號，唔好傳送信用卡資料。
練習回饋同合理使用
AI 解答同評改只供溫習參考，可能有錯漏；考試答案請以老師同課本為準。請勿大量自動提問、濫用服務或分享帳戶。我哋保留暫停濫用帳戶嘅權利。未滿 18 歲人士付款前應先得到家長或監護人同意。
最後更新：2026 年 11 月 1 日